MINORIAS
MINORIAS
Desirée Bela-Lobedde aktibistaren Minorias saiakera ezinbestekoa eta argia da. Egileak diskriminazio-egoerak bizi dituzten emakumeekin hitz egiten du, edo estereotipo eta aurreiritzi jakin batzuekin lotutako komunitate bateko kide diren emakumeekin. Horrela, bertatik bertara ezagutuko ditugu haien testigantza zintzoak, eta haien istorio hunkigarri baina baita mingarrietatik ere ikasiko dugu; izan ere, istorio horien izendatzaile komuna askotan bereizketa egiten eta zigortzen duen gizartea da.
Lehen kontaketa baino ez dut irakurri, eta esan dezaket oinetatik bururainoko astindua izan dela. Zuritasunaren pribilegioez gehiago jabetzeko astindua, berrikustekoa eta oraindik ikasteko asko dagoela, aitortzeko asko daukagula konturatzekoa.
Barru-barrutik zalantzan jartzen naizela sentitzen ari naiz, eta hau hasi besterik ez da egin. Eskerrik asko hainbeste irakasteagatik, horrela ikusarazteagatik eta afrikarren oshunitate eta doloritatera are gehiago hurbiltzeagatik.
Zuk ere zure barrenak astindu nahi badituzu, MINORIAS irakurtzera gonbidatzen zaitut.